Era Val d’Aran ei un territòri unic, ath miei deth Pirenèu, entre es montanhes mès nautes deth sud d’Euròpa. Es longui iuèrns corbissen de nhèu tota era val, eth blanc impòse ua cauma impactanta, era vida s’adapte entà subrevíuer e es sòns abitants combaten er isolament a base de trabalh, solidaritat e cooperacion.
Era primauera pòrte ath desgèu, era val se desvelhe e toti es cornèrs cruben vida: es arrius, es vals, es prats, es tucs e es crèstes. Ei era ora de méter en practica es coneishences que s’an transmetut de generacion en generacion e profitar toti es recorsi qu’era natura mos met a disposicion, abans dera arribada der iuèrn.
Era nòsta lengua, er aranés, ei ua varianta der occitan, era lengua des trobadors, der art e dera cultura, dera edat mieja, des catars. Ei un testimòni viu dera cultura occitana, un idiòma que mos permet nomentar eth paisatge que mos entornege e descríuer era vida entre montanhes.
ES NÒSTI DESTILATS
Es nòsti productes son de vertat, s’elabòren en tot seguir toti es passi e non prenen drecères. Cau demorar eth moment, quan era nhèu se retire e tot torne ara vida. Cau anar a cuélher, en tot respectar es moments de cada ingredient. Cau escuélher e tractar cada planta, sense prèssa. Cau destilar en petites quantitats, en tot conservar totes es aròmes e sabors. Eth resultat ei ua ginèbra shuta, botanica, qu’arrecuelh era esséncia dera nòsta tèrra. A excepcion des espècies, toti es botanics son pròpis dera Val d’Aran e apòrten eth tòc caracteristic de cada un des cornèrs dera nòsta val. Era Val d’Aran Dry Gin mos aufrís un aròma eun paladar que te transpòrte ara nauta montanha, as bosqui d’auets, as prats de nautada, as vals pregondes.
Elaboracion
GIMBRO
Juniperus comunis L.
Eth gimbro ei un arbust de nauta montanha, utilizat istoricaments pes sues proprietats beneficioses entath sistèma digestiu, aurinari e respiratòri.
PINHA D’AUET
Abies alba
Er auet a estat utilizat tostemp entà elaborar era terebentina, fòrça eficaça contra era tos e es costipats. A estat protagonista dera economia de fòrça vals de montanha, coma producte mès valorat.
BLANHIU
Trifolium alpinum L.
Planta caracteristica des prats de nauta montanha. Era sua arraïtz a proprietats benignes entà tractar ulcères deth sistèma respiratòri.
GENÇANA
Gentiana lutea L.
Aguesta planta amarada s’a utilizat dempús de hè mès de 2000 ans entara melhora de procèssi digestius. Presenta en multitut de medicaments aué en dia, ei fòrça apreciada pes sòns efèctes tonics
TIMONET
Thymus vulgaris
Planta aromatica per exceléncia, fòrça valorada e utilizada en codina e en medecina tant pes sues multiples proprietats coma peth sòn aròma e sabor.
MARJOLANA
Origanum vulgare
Planta aromatica fòrça utilizada tant en codina coma en medecina, damb multiples proprietats restacades damb eth sistèma digestiu e damb un aròma caracteristic.
SAJOLIDA
Satureja montana
Planta aromatica damb proprietats beneficioses entath sistèma digestiu e respiratòri, fòrça apreciada en codina peth sòn gust e aròma.
MENTA
Menta arvensis
Planta d’aulor e gust caracteristic, fòrça utilizada en cocteleria, que tanben aufrís proprietats medicinaus.
NÒDE MUSCADA
Myristica fragrans
Aguesta seme ei fòrça apreciada coma espècia ena Índia e eth su-dèst asiatic. Fòrça apreciada pera medicina ayurvedica e es tractaments entara tos.
CARDAMOM
Genus Elettaria
Seme medicinau dera família deth gengibre, procedenta dera Índia e fòrça populara ena codina d’aquera region, tant peth sòn gust coma pes sues proprietats.
CILANTRE
Coriandrum sativum
Planta d’origèn african, damb un catacteristic aròma citric, s’utilize ena elaboracion de cerveses, curry, cafè, pan…
Botiga
Val d’Aran Dry Gin ei ua ginèbra unica, elaborada artesanaument dempús dera recuelhuda des ingredients enquiar envasat. Ua eleccion intelligenta que te portarà era esséncia de toti es cornèrs d’Aranen cada glop. Sonque la coneisheràs de vertat quan la tastaràs, pr’amor que i a causes que non se pòden descríuer damb paraules.
Val D’Aran
Dry Gin
De nauta montanha
Prètz:
25,00€
QUI ÈM
Roger ei un guia de nauta montanha e explorador incansable. Apassionat, amant e promotor dera montanha, cèrque era manèra de que toti ne poguen gaudir.
Era sua coneishença dera montanha e des proprietats dera flòra que i creish, amassa damb eth sòn esperit emprenedor, an creat Era Destileria, un projècte que preten méter en valor es territòris de montanha, es iniciatives implicades damb era comunitat, eth trabalh hèt damb cauma e damb amor.
ERA NÒSTA FILOSOFIA
En Era Destileria, credem qu’eth trabalh ben hèt non a termières, que cau retornar ara produccion naturau, luenh dera tendéncia quimica e substitutiva qu’impère d’un temps ençà en mon des licors e es destilats. Ena Val d’Aran, en aguesti moments, es licors tradicionaus que podem trapar ara venta son produsidi damb siròps e esséncies, primant eth benefici per deuant dera qualitat. En Era Destileria apostam per recuperar era autenticitat e era onestetat des licors e destilats dera nòsta tèrra. Es nòsti productes sonque utilizen productes cuelhudi a man e elaboradi en tot seguir es recèptes de tota era vida e es procèssi tradicionaus. Productes naturaus, de qualitat e de km0, elaboradi en tot invertir eth temps que requerissen, en tot cercar es melhors resultats entà aufrir sonque es melhors productes, es productes que parlen dera nòsta tèrra e dera nòsta marca.
Er Armari des Privilègis o des 6 claus ei un ítem istoric dera nòsta cultura. Des deth s.XVII, aguest armari susvelhaue es documents mès importants dera Val, coma era Querimònia, signada enan 1313 per Jaume II o es vestits des conselhèrs e d’auti documents. Tàdaurir-lo, calienes claus que sauvauen es conselhèrs de cada terçon, es 6 divisions administratives dera Val d’Aran. Era nòsta ginèbra vò hèr un aumenatge ad aguesta singularitat, donques qu’entà poder obtier era melhor ginèbra son de besonh es ingredients arrecuelhudi en cadun des terçons.
Er Armari des Privilègis o des 6 claus ei un ítem istoric dera nòsta cultura. Des deth s.XVII, aguest armari susvelhaue es documents mès importants dera Val, coma era Querimònia, signada enan 1313 per Jaume II o es vestits des conselhèrs e d’auti documents. Tàdaurir-lo, calienes claus que sauvauen es conselhèrs de cada terçon, es 6 divisions administratives dera Val d’Aran. Era nòsta ginèbra vò hèr un aumenatge ad aguesta singularitat, donques qu’entà poder obtier era melhor ginèbra son de besonh es ingredients arrecuelhudi en cadun des terçons.
ESCRÍUE-MOS
Contacte
Telefòn
722 369 020
Adreça electronica
Adreça
Carrèr Major 57a – Unha (Val d’Aran)